گلبرگہ: قرآن مجید کا دو سو سال پرانا نسخہ موجود

اس قرآن شریف کے صفحات ریشم کے کپڑے کے ہیں۔ اور دوسری اس کی سب بڑی خصوصیت یہ ہےکہ اس میں ریڈیم بھی موجود ہے۔ رات کے اندھیرے میں اس قرآن شریف کو پڑھاجاسکتا ہے۔

درگاہ حضرت خواجہ بندہ نواز میں موجود لائبریری میں 200 سال قدیم قرآن مجید کا نسخہ موجود ہے۔

کرناٹک گلبرگہ شریف کے درگاہ خواجہ دکن حضرت خواجہ بندہ نواز گیسودراز میں موجود قدیم لائبریری میں 200 سال پرانا قرآن مجید کا نسخہ موجود ہے۔

اس ضمن میں لائبریرین ڈاکٹر محمد قمرالدین نے ای ٹی وی بھارت سےبات کرتے ہوئے کہا، یہاں پر 200 سال کا قدیم قرآن شریف موجود ہے۔ اس قرآن مجید کی خصوصیت یہ ہے کہ اس میں دو زبانوں میں ترجمہ ہے۔ ایک فارسی میں اور دوسرا اردو میں ساتھ ہی اس کی تفسیر بھی موجود ہے۔

فارسی کی تفسیرشیخ عبدالعزیزؒنے کی ہے۔ جو تفسیر عزیزی کے نام سے ہے۔ اور اردو کی تفسیر حسینی کے نام سے ہے۔ اس کو دہلی کے رہنے والے حسینی خاندان سے تعلق رکھنے والی شخصیت نے قرآن شریف کی تفسیر کی ہے۔

اس قرآن شریف کے صفحات ریشم کے کپڑے کے ہیں۔ اور دوسری اس کی سب بڑی خصوصیت یہ ہےکہ اس میں ریڈیم بھی موجود ہے۔ رات کے اندھیرے میں اس قرآن شریف کو پڑھاجاسکتا ہے۔

قرآن شریف مذکورہ لائیبریری کو تحفہ کے طور پر پیش کیا گیا تھا۔ آج بھی قرآن شریف کا یہ نسخہ جیسا تھا ویسا ہی موجود ہے۔

یہاں پر جو زائرین درگاہ حضرت خواجہ بندہ نواز کی زیارت کے لئے آتے ہیں۔ وہ یہا‍‍ں کی لائبریری میں موجود اس قرآن شریف کو دیکھ کر خوشی اور مسرت کا اظہار کرتے ہیں۔