ہاتھی ٹرین کی زد میں

جمشید پور چکولیا کے قریب بھانج پور میں اوڈیشہ سے بالشور جانے والی مسافر ٹرین ہاتھی سے ٹکرا گئی۔ اس حادثے میں ہاتھی کو شدید چوٹیں آئی ہے جبکہ انجن کو مکمل طور پر نقصان پہنچا ہے۔

اطلاع کے مطابق ہاتھی جنگل سے ریلوے ٹریک کو پار کررہا تھا ، اسی دوران بھانج پور سے بالاشور جارہی مسافر ٹرین ٹریک پر آگئی جس سے ہاتھی ٹکرا گیا۔ اس حادثے میں ہاتھی شدید طور پر زخمی ہوگیا جبکہ ٹرین میں سوار مسافروں کو معمولی چوٹیں آئی ہے ۔

ٹرین اور ہاتھی کے مابین ٹکر اتنا زوردار تھا کہ ٹرین کے انجن کو مکمل طور پر نقصان پہنچا ہے جبکہ ہاتھی کا پاؤں بری طرح زخمی ہےجس کے بعد ہاتھی کسی طرح ریلوے ٹریک سے اتر کر جنگل کی طرف چلا گیا۔