رام گڑھ: ریاست جھارکھنڈ کے رام گڑھ کے تھانہ علاقہ کے چتوپالو وادی میں ایک بس حادثہ کا شکار ہوگئی۔ اس خوفناک سڑک حادثے میں تین لوگوں کی موت ہو گئی ہے۔ جبکہ 2 درجن سے زائد افراد زخمی ہوئے ہیں۔ ہلاک ہونے والوں میں ایک پولیس اہلکار بھی شامل ہے۔ امدادی کام جاری ہے۔
بتایا جا رہا ہے کہ بس بہار کے بختیار پور سے رانچی جا رہی تھی۔ صبح سویرے رانچی سے آنے والے ٹریلر کی دوسری لین پر بریک فیل ہو گئی۔ جس کی وجہ سے ٹریلر بے قابو ہو گیا۔ بے قابو ہونے کے بعد ٹریلر ڈیوائیڈر کو توڑ کر دوسری لین سے رانچی جانے والی بس سے ٹکرا گیا۔ جس کی وجہ سے بس الٹ گئی۔ اسی دوران ٹریلر بھی الٹ گیا اور اس کے پرخچے اڑ گئے۔ جس کی وجہ سے یہ حادثہ پیش آیا۔ ٹریلر کا عملہ بھی ٹریلر میں بری طرح پھنس گیا۔
حادثے کی اطلاع ملتے ہی پولیس فوراً موقع پر پہنچ گئی اور امدادی کام شروع کر دیا۔ زخمیوں کو علاج کے لیے رام گڑھ صدر اسپتال بھیجا گیا ہے۔ زخمیوں میں سے بعض کی حالت تشویشناک بتائی جاتی ہے۔ حادثے کی وجہ سے رانچی-رام گڑھ کی ایک لین جام ہو گئی۔ اس کے ساتھ ہی حادثے میں تین افراد کی موقع پر ہی موت ہو گئی۔ مرنے والے تین لوگوں میں سے ایک پولیس اہلکار بتایا جاتا ہے، جو رانچی میں تعینات تھا۔
مزید پڑھیں:Road Accident In Pratapgarh پرتاپ گڑھ میں موٹر سائیکلوں کی ٹکر میں دو کی موت
اسی دوران NHAI کے ملازمین حادثے کے ایک گھنٹے بعد جائے حادثہ پر پہنچے۔ تب تک رام گڑھ پولیس زخمیوں کو اسپتال بھیج چکی تھی۔ آپ کو بتاتے چلیں کہ رام گڑھ کی چتوپالو وادی بلیک اسپاٹ کے طور پر نشان زد ہے، یہاں آئے روز حادثات ہوتے ہیں، جس میں کئی لوگوں کی موت ہو جاتی ہے۔ حادثے کے بعد رام گڑھ وادی میں ون وے کر دیا گیا ہے۔ پولیس کرینوں کی مدد سے حادثے کا شکار ہونے والی گاڑیوں کو ہٹانے میں مصروف ہے۔
