لاک ڈاؤن کے دورانیے میں مرکزی حکومت نے مزدوروں کو پوری اجرت دینے کی بات کی تھی۔ اس میں وہ کمپنیاں جو مزدوروں کو اجرت کی ادائیگی سمیت مزدوروں کے مفاد میں کام نہیں کررہی ہیں، انہیں محکمہ سے نوٹس بھی دیا گیا ہے۔ ان کمپنیوں میں سب سے بڑی کمپنی ٹاٹا ٹمکن ہے۔
جمشید پور ڈسٹرکٹ ڈپٹی لیبر کمشنر نے اس معاملے کو سنجیدگی سے لیتے ہوئے سیکڑوں چھوٹی بڑی کمپنیوں کو نوٹس جاری کیا ہے۔
ٹاٹا ٹمکن نے لاک ڈاؤن کے تحت اپریل میں اپنے کارکنوں کی نصف اجرت میں کمی کردی ہے۔ اس بارے میں محکمہ نے ٹاٹا ٹمکن کو سبب بتاؤ نوٹس بھی جاری کیا ہے۔ کمپنی انتظامیہ سے دو دن کے اندر نوٹس کا جواب دینے کو کہا گیا ہے۔ اس کے بعد اگر کمپنی صحیح وجہ بتانے سے قاصر ہے تو اصول کے مطابق کمپنی انتظامیہ پر کارروائی کی جائے گی۔
