ہلاک ہونے والے شخص کی عمر 19 برس ہے، اس کی لاش کو ہٹیا ریلوے اسٹیشن پر اتار کر پوسٹ مارٹم کے لیے اسپتال بھیج دیا گیا ، تاکہ موت کی اصل وجہ کا پتہ لگایا جا سکے۔
شرمک اسپیشل ٹرین مہاراشٹر سے ریاست جھارکھنڈ کے ہٹیا ریلوے اسٹیشن تک آ رہی تھی، دریں اثنا ٹرین میں یہ حادثہ پیش آیا۔
اس سے قبل پیرکو ایک 35 سالہ شخص کی لاش خصوصی ٹرین کے ذریعے ہٹیا ریلوے اسٹیشن پہنچی تھی۔
ابھی تک موت کی وجہ کا پتہ نہیں چل سکا ہے۔ متوفی کوچ نمبر 108468 کی برتھ 59 پر تھا۔ متوفی کا نام اشوک گوپ بتایا جارہا ہے۔
کورونا وائرس کی وبا کی وجہ سے جاری لاک ڈاؤن میں مہاجر مزدوروں کو لے کر ٹرین کرمالی سے ہٹیا آ رہی تھی۔
بلاسپور میں نوجوان کی طبیعت بگڑ گئی اور اچانک بیہوش ہوگیا۔ ہٹیا اسٹیشن پر پتا چلا کہ اشوک گوپ نامی شخص کی اس ٹرین میں موت ہوگئی۔
