جھارکھنڈ: لاتیہار میں بی جے پی لیڈر کا قتل

بی جے پی کے مقامی رہنما جے وردھن سنگھ کو گولی مار کر ہلاک کرنے کی وجہ تاحال معلوم نہیں ہوسکی، لیکن مقامی لوگوں کا کہنا ہے کہ سنگھ اور کچھ لوگوں کے درمیان زمین کی ملکیت کا معاملہ چل رہا تھا۔

جھارکھنڈ کے ضلع لاتیہار میں نامعلوم حملہ آوروں نے بی جے پی کے ایک مقامی رہنما جے وردھن سنگھ کو گولی مار کر ہلاک کردیا۔

اس واقعہ کا مشاہدہ مقامی لوگوں نے کیا جنھوں نے حملہ آوروں کو پکڑنے کی بھی کوشش کی لیکن انہیں کامیابی نہیں ملی۔

لاتیہار پولیس کے مطابق 'اتوار کی شام سات بج کر دس منٹ پر دو مسلح حملہ آوروں نے بارواڈھی بس اسٹیشن کے قریب وردھن سنگھ کو گولی مار کر ہلاک کردیا'۔

مقامی تھانے میں مقدمہ درج کرلیا گیا ہے۔

معاملے کی تحقیقات جاری ہے۔