وزیر اعلیٰ ہیمنت سورین نے ٹویٹر پر لکھا،' وزیر ریل پیوش گوئل جی سے بات ہوئی، جہاں میں نے ان سے درخواست کی ہے کہ ریل خدمات شروع کریں تاکہ ہم جلد سے جلد سبھی ریاستوں میں پھنسے طلبا سمیت پانچ لاکھ سے زائد مہاجر مزدوروں کو سماجی دوری کے قواعد پر عمل کرتے ہوئے ریاست میں خیر و عافیت سے واپس لے آئیں۔'
غورطلب ہے کہ جھارکھنڈ کے لوگ دوسری ریاستوں میں پھنسے ہوئے ہیں۔ لگاتار مزدوروں کے ذریعے ویڈیو بنا کر حکومت سے مدد کا مطالبہ کیا جا رہا ہے، لیکن لاک ڈاؤن کے سبب حکومت انہیں واپس نہیں لا پا رہی ہے۔
جھارکھنڈ کے بہت سے مزدور مہاراشٹر، کیرالہ، تمل ناڈو سمیت کئی ریاستوں میں پھنسے ہوئے ہیں، جو لگاتار حکومت سے گھر لانے کا مطالبہ کر رہے ہیں۔ کام بند ہونے کے سبب ان کے سامنےفاقہ کشی کی نوبت آگئی ہے۔
