رانچی: جھارکھنڈ میں کورونا کے خلاف جاری جنگ کے درمیان وزیراعلیٰ ہیمنت سورین نے جمعرات کو ریاست کے باشندوں سے ایک بار پھر بغیر ماسک کے گھر سے باہر نہیں نکلنے کی اپیل کرتے ہوئے کہاکہ 'احتیاط ہی کورونا سے تحفظ کی پہلی ڈھال ہے ۔
سورین نے مائیکرو بلاگنگ سائٹ ٹوئٹر پر لکھا کہ ” ہر دن ہم کورونا سے جنگ میں آگے بڑھتے دکھ رہے ہیں۔ صرف رانچی ضلع میں بدھ کو دس ہزار سے زائد کووڈٹیسٹ کئے گئے ۔ اب حکومت کی توجہ زیادہ سے زیادہ جانچ، کانکٹیکٹ ٹریسنگ اور قرنطینہ کی سہولیات اور اسپتالوں میں بیڈ بڑھانے پر ہے ۔
وزیراعلیٰ نے کہاکہ ” ریاستی حکومت آپ کی خدمت کے تئیں پورے عزم کے ساتھ کام کر رہی ہے ۔ آپ سب کی بھی ذمہ داری ہےکہ گھر سے بغیر ماسک پہنے باہر نہ نکلیں۔ کورونا کی علامت نظر آنے پر فوراً نزدیکی صحت مرکز پر جائیں۔ آپ کا محتاط رہنا ہی کورونا سے تحفظ کی پہلی ڈھال ہے “۔
