رانچی: اراضی گھوٹالہ معاملے کی جانچ کر رہی ای ڈی نے بڑی کارروائی کی ہے۔ ای ڈی نے زمین گھوٹالے میں ملوث سات افراد کو گرفتار کیا ہے۔ ای ڈی ذرائع کے مطابق جن لوگوں کو گرفتار کیا گیا ہے ان میں سرکاری ملازمین کے ساتھ ساتھ زمین کا غیر قانونی کاروبار کرنے والے افراد بھی شامل ہیں۔ فوج کی زمین کو غیر قانونی طریقے سے فروخت کرنے کے معاملے میں ای ڈی کے جاری چھاپے میں بڑی کارروائی کی گئی ہے۔ جمعرات کی دیر رات، ای ڈی نے فوج کی زمین میں دھوکہ دہی اور جعلسازی کے معاملے میں کل 7 لوگوں کو گرفتار کیا ہے۔ ان تمام افراد پر فوج کی زمین کو غیر قانونی طریقے سے فروخت کرنے کا الزام ہے۔
بتا دیں کہ کرم ٹولی کے علاقے میں 4.55 ایکڑ زمین غلط طریقے سے فروخت کی گئی، وہ زمین فوج کی ہے۔ لیکن انتظامی ملی بھگت سے اسے کروڑوں روپے میں فروخت کر دیا گیا۔ ای ڈی کی ٹیم نے جمعرات کی صبح سے ہی اس معاملے پر کارروائی شروع کی۔ بہار، جھارکھنڈ اور مغربی بنگال سمیت کل 22 مقامات پر دن بھر چھاپہ ماری جاری رہی۔ ای ڈی پہلے ہی اس معاملے میں ایف آئی آر درج کرا چکی ہے۔ اس کے علاوہ اس وقت کے ڈپٹی رجسٹرار کا بیان بھی ریکارڈ کیا گیا ہے۔ اس معاملے میں جھارکھنڈ کے سینئر آئی اے ایس افسر اور رانچی کے سابق ڈی سی چھوی رنجن کے گھروں پر بھی چھاپے مارے گئے ہیں۔ اراضی گھوٹالے معاملے میں ای ڈی نے جن لوگوں کو گرفتار کیا ہے ان میں بھانو پرتاپ، رانچی کے بارگین سرکل کے ملازم، افسر علی خان، امتیاز خان، طلحہ خان، ایاز خان اور محمد صدام شامل ہیں۔
یہ بھی پڑھیں : ED Raids 22 Locations in Three States جھارکھنڈ، بہار اور مغربی بنگال میں بائیس مقامات پر ای ڈی کا چھاپہ
