پلامو: دولہا اور دلہن ندی میں ڈوبنے سے بچے

ریاست جھارکھنڈ کے ضلع پلامو میں ایک نیا شادی شدہ جوڑا کار سے جا رہا تھا کہ اس کی کار پانی بہہ میں گئی۔

یہ واقعہ ضلع پلامو کے ستبروا پولیس اسٹیشن کے علاقہ کا ہے۔

مقامی افراد نے دولہا دلہن کو پانی میں ڈوبنے سے بچایا۔

مقامی افراد کے مطابق ستبروا میں مئی ندی کے پل کے اوپر پانی تیز رفتار سے بہہ رہا تھا۔

اس وقت ڈرائیور نے پُل سے اپنی کار کو پار کر نے کی کوشش کی لیکن پانی کا بہاو تیز ہونے کی وجہ سے کار پانی میں تیرنے لگی۔

کار تقریباً آدھا کلومیٹر بہہ کر دور چلی گئی، اس کے بعد ایک جگہ جاکر پھنس گئی۔پھر باراتی اور گاؤں والوں نے بڑی مشقت کے ساتھ دولہا اور دلہن کو پانی سے نکالا۔

دونوں دولہا دلہن سلامت ہیں، اور انہیں کسی قسم کا کوئی نقصان نہیں پہنچا ہے۔