جھارکھنڈ اسمبلی میں این آر سی اور این پی آر کے خلاف قرارداد منظور

جھارکھنڈ قانون ساز اسمبلی کا بجٹ اجلاس جو 28 مارچ تک چلتا ہے، آج ملتوی کر دی گئی۔ اسمبلی اسپیکر رویندر ناتھ مہتو نے کہا کہ کورونا وائرس کی وجہ سے پوری دنیا میں تباہی جیسی صورتحال ہے۔ اس کے پیش نظر ریاست کو لاک ڈاؤن کر دیا گیا ہے۔

ریاست جھارکھنڈ میں کورونا وباء کے پیش نظر جھارکھنڈ قانون ساز اسمبلی کا بجٹ اجلاس آج غیر معینہ مدت کے لیے ملتوی کر دیا گیا۔ جھارکھنڈ اسمبلی کے اسپیکر رویندر ناتھ مہتو کے ساتھ بزنس ایڈوائزری کمیٹی کے اجلاس کے بعد انہوں نے اس بارے میں ایوان کو آگاہ کیا۔ اسی دوران پارلیمانی امور کے وزیر عالمگیر عالم نے این پی آر اور این آر سی کے خلاف ایوان میں تجویز پیش کی۔ جس کی مخالفت بی جے پی کے ممبران اسمبلی نے کی۔

رویندر ناتھ مہتو نے کہا کہ کورونا وائرس کی وجہ سے پوری دنیا میں تباہی جیسی صورتحال ہے۔ اس کے پیش نظر ریاست لاک ڈاؤن کر دیا گیا ہے۔

انہوں نے کہا کہ اس کے پیش نظر ایوان کی کاروائی بھی ملتوی کر دی گئی ہے۔ اس سے قبل، ایوان میں باقی محکموں کے گرانٹ کے مطالبات گیلوٹین کے ذریعے منظور کیے گئے تھے۔

اسی دوران پارلیمانی امور کے وزیر عالمگیر عالم نے این پی آر اور این آر سی کے خلاف ایوان میں تجویز پیش کی۔ جس پر بی جے پی کے ایم ایل اے نے اپنا احتجاج درج کرایا۔ یہاں تک کہ بی جے پی کے ایم ایل اے بھی نعرے لگاتے ہوئے ویل میں چلے آئے۔ تاہم، یہ تجویز ایوان میں منظور کی گئی، جو مرکزی حکومت کو بھیجی جائے گی۔ اس کے علاوہ وزیر خزانہ رامیشور اراون نے تخصیص بل 03، 2020 متعارف کرایا جس میں ایوان کی رضا مندی دی گئی۔