ٹرین حادثہ میں پانچ ہرن ہلاک

ریاست جھارکھنڈ کے ضلع لاتیہار کے پلامو ٹائیگر ریزرو میں جنگلی جانوروں کی ہلاکت کا عمل رکنے کا نام نہیں لے رہا ہے، اسی سلسلے میں پلامو ٹائیگر ریزرو جنگل کے علاقے میں گزرنے ہوالی ریلوے ٹریک پر پانچ ہرن کی موت ہوگئی۔

ہرن کی موت کے بارے میں اطلاع ملنے پر پلامو ٹائیگر ریزرو علاقے کے ڈی ایف او کمار آشیش پوری ٹیم کے ہمراہ موقع پر پہنچ گئے اور واقعے کی تفتیش شروع کردی۔

ہرن کی موت کے حادثہ کے بعد بارواڑیہ مغلسرائے ریلوے بلاک میں صبح 9 بجے ٹرین کا آپریشن مکمل طور پر روک دیا گیا۔

ڈی ایف او کمار اشیش پوری نے بتایا کہ محکمہ جنگلات کی ٹیم اس حادثہ کی تحقیقات کر رہی ہے، یہ معلومات جمع کرنے کے لئے کام کیا جارہا ہے کہ کس ٹرین کے ساتھ کون سا حادثہ پیش آیا، جس کے بعد محکمہ جنگلات کی ٹیم قانونی کارروائی کرے گی۔