نروال سڑک حادثہ میں دو افراد ہلاک

آج صبح نروال، جموں سڑک حادثہ میں دو افراد ہلاک اور چار زخمی ہو گئے۔

ذرائع کے مطابق نروال سڑک حادثہ دراصل گاڑی کا بریک فیل ہونے کی وجہ سے پیش آیا جس میں دو افراد ہلاک اور چار افراد زخمی ہوگئے۔ ان سبھی کو جے ایم سی جموں منتقل کیا گیا۔ لاشوں کو پوسٹ مارٹم کے لئے مردہ خانہ منتقل کر دیا گیا۔

ہلاک شدہ افراد کی شناخت سورج پرکاش، ساکن جموں اور بودھ راج، ساکن کٹھیال کی حیثیت سے کی گئی۔

جبکہ زخمیوں کی شناخت یوگیش ٹھاکر، راجکمار، بھیشمبر سنگھ ، وکی شرما کے طور پر ہوئی ہے جو جموں کے رہائشی بتائے گئے ہیں۔

ذرائع کے مطابق کیس درج کر لیا گیا ہے۔ مزید تحقیقات جاری ہے۔