نیشنل کانفرنس اور کانگریس کے درمیان ابھی تک کسی طرح کا اتحاد نہیں ہو پایا ہے۔
وہیں ریاستی کانگریس کے تشہیری کمیٹی کے صدر و راجیہ سبھا کے رکن غلام نبی آزاد آج یعنی سنیچر کے روز جموں پہنچے۔ وہ اس وقت کانگریس پارٹی کی کوآرڈنیشن کمیٹی کی میٹنگ کو خطاب کر رہے ہیں۔
اطلاعات کے مطابق اس میٹنگ میں کانگریس اور نیشنل کانفرنس کے درمیان اتحاد کو لے کر آخری فیصلہ ہو سکتا ہے۔ وہیں اس میں امیدواروں کے نام پر بات چیت ہو سکتی ہے۔
اس میٹنگ میں غلام نبی آزاد کے علاوہ پی سی سی چیف ضیاء میر،سیف الدین سوز،جی ایم سروری،کربلائی کے ساتھ کمیٹی کے باقی اراکین شامل ہیں۔
ذرائع کے مطابق بی جے پی سے لوک سبھا سیٹوں جموں، پونچھ اور ڈوڈہ، اودھمپور۔ کٹھوعہ لوک سبھا سیٹ سے امیدواروں کے اعلان کے بعد کانگریس جموں پونچھ سے مدن لال اور کٹھوعہ اودھمپور سیٹ سے وکرمادتیہ کو اتار سکتی ہے۔
