جموں کے چھمب میں مشتبہ افراد کی نقل و حرکت، سرچ آپریشن جاری

پولیس ذرائع نے بتایا 'سرحد پار سے دراندازی کی کوشش کی اطلاع ہے لیکن ابھی تک اس کے شواہد نہیں ملے ہیں اور نہ ہی مشتبہ افراد سے سامنا ہوا ہے۔'

جمعرات کی صبح فوج اور پولیس نے جموں کے چھمب علاقہ میں اس وقت مشترکہ سرچ آپریشن شروع کیا جب لائن آف کنٹرول کے قریب مشتبہ افراد کی نقل و حرکت دیکھی گئی۔

پولیس ذرائع نے بتایا کہ کچھ مقامی لوگوں نے مشتبہ افراد کو دیکھا اور انہوں نے قریبی پولیس اسٹیشن کو اطلاع دی۔

انہوں نے کہا 'سرحد پار سے دراندازی کی کوشش کی اطلاع ہے لیکن ابھی تک اس کے شواہد نہیں ملے ہیں اور نہ ہی مشتبہ افراد سے سامنا ہوا ہے۔'

پولیس ذرائع نے مزید بتایا کہ پولیس، فوج اور پیرا ملٹری کی مشترکہ ٹیموں نے علاقہ میں سرچ آپریشن شروع کیا۔