انہوں نے کہا کہ بھارتی فوج نے سرحدوں پر بقول ان کے دشمن پر اپنا دبدبہ برقرار رکھا ہے۔
لیفٹیننٹ کمار نے جمعرات کو ضلع ادھم پور میں واقع شمالی کمان ہیڈکوارٹر میں منعقدہ انوسٹیچر تقریب سے خطاب کرتے ہوئے کہا: ’ہم نے سرحدوں پر دشمن کے اوپر اپنا دبدبہ برقرار رکھا ہے۔ نیز اندرونی علاقوں میں بھی امن وامان برقرار رکھنے میں مدد کی ہے‘۔
ان کا مزید کہنا تھا: ’پچھلے چھ ماہ کے دوران وادی کشمیر میں سیکورٹی کی صورتحال میں نمایاں بہتری آئی ہے۔ تشدد، پتھرائو اور احتجاج کے واقعات میں بھاری گرائوٹ آئی ہے۔ یہ امن، مساوات اور قومی یکجہتی کے تئیں عوام کے تعاون کو ظاہر کرتا ہے‘۔
تقریب کے دوران فوجی افسروں، جونیئر کمشنڈ افسروں، فوجیوں اور مہلوک فوجیوں کے ورثا میں بہادری کے ایوارڈ تقسیم کئے گئے۔
