جموں: جموں کے مکوال سیکٹر میں بین الاقوامی سرحد پر فوج نے منگل کے روز ایک پاکستانی شہری کو حراست میں لے لیا ہے۔سرکاری ذرائع نے بتایا کہ مستعد فوجی جوانوں نے منگل کے روز جموں کے مکوال سیکٹر پر ایک پاکستانی شہری کو گرفتار کیا ہے۔
گرفتار پاکستانی باشندے کی شناخت محمد صادق کے بطور کی گئی ہے۔ان کا کہنا تھا کہ اس ضمن میں تمام پہلوﺅں کو دیکھا جا رہا ہے اور تحقیقات جاری ہیں۔
بی ایس ایف حکام کے مطابق سرحد پر تعینات فوجیوں نے جموں کے مکوال سیکٹر میں ایک پاکستانی شہری کو گرفتار کیا ہے۔ تلاشی کے دوران پر بی ایس ایف اہلکاروں نے اس کے پاس سے پاکستان کا قومی شناختی کارڈ برآمد کیا ہے۔
مزید پڑھیں:
واضح رہے کہ اس سے پہلے بھی کئی بار ذہنی طور ہر بیمار افراد نے نادانستہ طور پر سرحد عبور کرکے بھارتی حدود میں داخل ہوئے تھے۔ مکمل تفتیش کے بعد فوج انہیں پولیس کے حوالے کرتی ہے، جس کے بعد انہیں پاکستانی رینجرس کے حوالے کر دیا جاتا ہے۔بتادیں کہ سرحد پر بھارتی فوج الرٹ ہے، اور وہ کسی بھی دراندازی کی کوشش کو ناکام بنانے کے لیے ہر وقت تیار رہتی ہے۔آئے رور پاکستان کے ایل او سی سے درانداز دراندازی کی تاک میں رہتے ہے۔ اس دوران بیشتر اوقات میں ان کوششوں کو ناکام بنایا جاتا ہے اور ان دراندازوں کو مار گرایا جاتا ہے۔
