جموں و کشمیر کے سابق وزرائے اعلیٰ عمرعبداللہ اور محبوبہ مفتی کے خلاف مودی حکومت کی طرف سے 'پبلک سیفٹی ایکٹ' لگائے جانے پر اپوزیشن نے سخت اعتراض کرتے ہوئے اسے 'جمہوریت کا سب سے غلط قدم' قرار دیا۔
اس قانون کے تحت حکومت مقدمہ چلائے بغیر بھی کسی شخص کو چھ ماہ تک قید میں رکھ سکتی ہے۔
پی ڈی پی کے سینیئر رہنما عبدالقیوم نے جموں میں ای ٹی وی بہارت سے بات کرتے ہوئے کہا کہ ایسا کرکے بی جے پی بھارتی عوام کو جمہوری طرز عمل سے دور رکھنا چاہتی ہے۔
مزید پڑھیں:فلم "شکارہ" پر پابندی سے متعلق عرضی خارج
انہوں نے کہا کہ ان رہنماوں نے جمہوری طرزعمل میں ووٹ ڈالنے سے لے کر عوامی خدمات تک قابل ستائش رول نبھائے جبکہ بی جے پی ایسا کرکے لوگوں کو ووٹ میں حصہ لینے سے روک رہی ہے۔
انہوں نے کہا کہ' کافی لوگ انتخابات سے دور رہتے آئے ہیں اس اقدام سے آنے والے دنوں میں ووٹنگ فیصد پر بھی منفی اثر ہوگا'۔
تاہم انہوں نے لیفٹنٹ گورنر اور مرکزی رہنماوں سے اپنے فیصلے پر نظر ثانی کرنے کی اپیل کی ہے۔
