قومی شاہراہ چوتھے روز مسلسل بند، مسافر پریشان

وادی کشمیر اور جموں خطہ کے چند اضلاع میں اتوار کی علی الصبح سے ہی وقفہ وقفہ سے برف باری کا سلسلہ جاری ہے، جس کے باعث قومی شاہراہ پر آمد و رفت کے لئے بند کیا گیا ہے۔

جموں سرینگر قومی شاہراہ پر مسلسل چوتھے روز بھی گاڑیوں کی آمد و رفت بند رہی۔ شاہراہ پر جواہر ٹنل کے دونوں اطراف تیسرے روز بھی برف باری کا سلسلہ جاری رہا جس کے نتیجے میں شاہراہ پر برف صاف کرنے والے عملہ کو سخت مشکلات کا سامنا کرنا پڑا۔ اس درمیان بیکن محکمہ کے مطابق مسلسل برف باری کے باعث فی الحال برف ہٹانے کا کام روک دیا گیا ہے۔

وہیں قومی شاہراہ بند ہونے کی وجہ سے جموں میں ڈرائیوروں اور درماندہ مسافروں کو کئی طرح کے مشکلات کا سامنا ہے۔

درماندہ مسافروں کا الزام ہے کہ انتظامیہ کی طرف سے درماندہ مسافروں کے لیے کوئی سہولیات مہیا نہیں کی جا رہی ہے، نا ہی شاہراہ پر کہیں بھی کھانے کا انتظام ہے۔