'نگروٹہ تصادم: ہلاک عسکریت پسند ڈی ڈی سی انتخابات میں خلل ڈالنے کے مشن پر تھے'

ائی جی پی جموں مکیش سنگھ نے کہا کہ 'جس ٹرک میں عسکریت پسند سوار تھے اس کا ڈرائیور فرار ہونے میں کامیاب ہوگیا۔ ہم اس کی تلاش کر رہے ہیں۔ یہ ممکن ہے کہ وہ کسی بڑے حملے کی منصوبہ بندی کر رہے تھے۔ ممکن ہے کہ وہ ڈی ڈی سی الیکشن کو نشانہ بنانے کا منصوبہ بنا رہے تھے۔ اس سلسلہ میں تحقیقات جاری ہیں۔'

جموں زون پولیس کے انسپکٹر جنرل مکیش سنگھ نے کہا ہے کہ آج جموں کے نگروٹہ میں ہلاک کئے گئے عسکریت پسند ڈسٹرکٹ ڈیولپمنٹ انتخابات میں خلل ڈالنے کی فراق میں تھے۔

مکیش سنگھ نے کہا ہلاک کئے گئے عسکریت پسندوں کے قبضے سے کچیر مقدار میں گولہ بارود برامد کیا گیا ہے۔

ائی جی پی جموں مکیش سنگھ نے کہا کہ 'جس ٹرک میں عسکریت پسند سوار تھے اس کا ڈرائیور فرور ہونے میں کامیاب ہوا۔ ہم اس کی تلاش کر رہے ہیں۔ یہ ممکن ہے کہ وہ کسی بڑے حملے کی منصوبہ بندی کر رہے تھے۔ ممکن ہے کہ وہ ڈی ڈی سی الیکشن کو نشانہ بنانے کا منصوبہ بنا رہے تھے۔ اس سلسلہ میں تحقیقات جاری ہے۔'

انہوں نے مزید کہا کہ 'تصادم کے دوران چار عسکریت پسند ہلاک ہوگئے۔ ان کے پاس سے 11 اے کے 47 رائفلیں، تین پستول، 29 دستی بم اور دیگر ساز و سامان برآمد ہوا ہے۔ ایسا لگتا ہے کہ وہ کوئی بڑی کاروائی کرنے کی منصوبہ بندی کرنے کے لئے وادی کشمیر کی طرف جارہے تھے۔'

ائی جی پی نے کہا 'معمول کی چیکنگ کے دوران، صبح 5 بجے ایک ٹرک کو روک لیا گیا۔ ٹرک کا ڈرائیور فرار ہوگیا۔ تلاشی کے دوران سی آر پی ایف کے جوانوں اور پولیس پر فائر کی گئے اور دستی بم بھی پھیکے گئے۔ مزید سیکیورٹی دستے طلب کیے گئے اور تین گھنٹے تک انکاؤنٹر جاری رہا۔'

انہوں نے بتایا 'سی آر پی ایف اور جموں و کشمیر پولیس کو سانبہ سیکٹر سے عسکریت پسندوں کی نگروٹہ ٹول پلازہ کی طرف نقل و حرکت کے بارے میں خفیہ اطلاع موصول ہوئی تھی۔'

واضح رہے جموں و کشمیر کے صوبہ جموں کے نگروٹہ میں سکیورٹی فورسز اور عسکریت پسندوں کے درمیان تصادم میں چار عسکریت پسند ہلاک ہو گئے ہیں جبکہ دو سیکورٹی فورسز اہلکار زخمی بھی ہوئے۔