جموں و کشمیر کی سرمائی دارالحکومت جموں میں آج پیپلز ڈیموکریٹک پارٹی نے میٹنگ کی۔
میٹنگ ختم ہونے کے بعد پارٹی کے جموں ضلع کے صدر راجندر سنگھ منہاس نے میڈیا نمائندوں سے بات کرتے ہوئے کہا کہ آج کی اس میٹنگ کا مقصد یہی تھا کہ پارٹی صدر محبوبہ مفتی کی جموں آنے پر کس طرح سے خیر مقدم کیا جائے اور ان ہی انتظامات پر پی ڈی پی رہنماؤں نے میٹنگ کی۔
یہ بھی پڑھیں: اننت ناگ میں آنگن باڑی ورکرز کا احتجاجی مظاہرہ
انہوں نے کہا کہ جموں و کشمیر میں انتظامیہ عام لوگوں کی فلاح و بہبود کے کام کرنے میں ناکام ثابت ہو رہی ہے۔
انہوں نے کہا کہ جب عوام ضلع ترقیاتی کمشنر دفتر کسی کام کے لیے جاتے ہیں تو انہیں کہا جاتا ہیں کہ امیل کے ذریعے اپنے مسائل لکھ کر بیج دیں، جو ایک تعلیم یافتہ نوجوان ہی کرسکتا ہے، غریب کا مسئلہ کیسے حل ہوگا۔
انہوں نے گورنر سے اپیل کی ہے کہ سرکاری ملازمین کو جوابدہ بنایا جائے تاکہ رشوت خوری سے عوام کو نجات مل سکے۔
