مرکز کے زیر انتظام جموں و کشمیر میں جموں کے شہر خاص میں واقعہ مسلم اکثریتی علاقہ تالاب کھٹیکاں بنیادی سہولیات سے محروم ہے، جموں کے ضلع ترقیاتی کمشنر دفتر سے چند میٹر کی مسافت پر واقع یہ علاقہ جموں کے پرانے شہر سے بھی مانا جاتا ہے۔
تالاب کھٹیکاں علاقے میں سب سے پرانی اور تاریخی مسجد تالاب کھٹیکاں مسجد بھی موجود ہے، جس میں بیرون ریاست و ضلع سے لوگ نماز پڑھنے کے لیے آتے ہیں، تاہم یہاں آکر انہیں مایوسی کا سامنا اس وقت کرنا پڑتا ہے جب انھیں اس علاقے میں اے ٹی ایم کی سہولیات دستیاب نہیں ہوتی ہے۔
تالاب کھٹیکاں علاقے میں رہنے والے لوگوں کا کہنا ہیں کہ اس علاقے میں 1947 میں بجلی ٹرانسفر کا ڈھانچہ تیار کیا گیا ہے جس کے بعد آج تک بجلی کے ٹرانسفارمر کا ڈھانچہ تبدیل نہیں کیا گیا، وہیں دوسری جانب علاقہ میں گلی کوچوں کی مرمت بھی نہیں کی جارہی ہے اور نا ہی آج تک اس علاقے کا کسی سرکاری افسر نے دورہ کیا ہے۔
انہوں نے انتظامیہ سے اپیل کی ہے کہ اس علاقے کا دورہ کرکے عوامی مسائل کو ترجیحی بنیاد پر حل کرنے کی کوشش کی جائے۔
لوگوں کا مزید کہنا ہے کہ دور جدید میں بھی اس مسلم اکثریتی علاقہ میں بنیادی سہولیات دستیاب نہیں ہے، جس سے یہ بات صاف ظاہر ہوتی ہے کہ انتظامیہ اس علاقہ کی تعمیر ترقی کرنے میں سنجیدہ نہیں ہے جبکہ یہ شہر خاص کا مرکزی علاقہ ہے۔
