لداخ: عمرہ زائرین کو جلد واپس لانے کی اپیل

کورونا وائرس کے پیش نظر بی جے پی (کرگل) نے ایک پریس کانفرس میں مرکزی حکومت سے لداخ سے تعلق رکھنے والے عمرہ زائرین کی جلد از جلد وطن واپسی کے لیے راستہ ہموار کرنے کی اپیل کی ہے۔

پریس کانفرنس سے خطاب کرتے ہوئے بھارتیہ جنتا پارٹی (کرگل) کے صدر محمد علی مجاز نے مرکزی حکومت کا شکریہ ادا کرتے ہوئے کہا کہ 'لداخ کے تقریباً 106 افراد اب بھی عرب ممالک میں پھنسے ہوئے ہیں اس لیے ان کی واپسی کا راستہ ہموار کیا جائے۔'

انہوں نے کہا کہ 'بی جے پی حکومت انہیں صحیح سلامت واپس لانے کے لیے کوشاں ہے جبکہ انہوں نے زائرین سے بھرپور تعاون کرنے کی اپیل کی۔