جموں کے ستواری علاقے کو سرحد سے جوڑنے والا پل بدھ کے روز اچانک دو حصوں میں منقسم ہوگیا۔ جموں کے ببلینا میں تقریبا 15 سال قبل بنے اس پل سے آس پاس کے سینکڑوں گاؤں کو شہر آنے جانے میں کافی سہولیت ہوتی تھی۔ پل کے منہدم ہونے کی تصاویر سے آپ یہ اندازہ لگا سکتے ہیں کہ جموں میں بدھ کے روز بارش کس طرح قہر برسا رہی ہے۔
ویڈیو
علاقے کے سابق سرپنچ شمشیر سنگھ نے بتایا کہ اس پل کے بہہ جانے کی وجہ سے اب جموں شہر سے آر ایس پورہ اور بیشناہ تک مزید فاصلہ طے کرنا مشکل ہو جائیگا اور اب اس علاقے کے لوگوں کو پل کے دوسری طرف آباد گاؤں تک کئی کلومیٹر مزید پیدل سفر کرنا پڑیگا۔ اس سے جموں آر ایس پورہ سڑک پر ٹریفک میں بھی اضافہ ہوگا۔
