جموں:جموں میونسپل کارپوریشن کے میئر چندر موہن گپتا اور ڈپٹی میئر پورنیما شرما نے24 ستمبر کو استعفیٰ دیا تھا۔ انہوں نے یہ استعفی بی جے پی پارٹی کے سینئر لیڈر اور کارپوریٹرس کی مانگ کے بعد دیا تھا۔ذرائع نے بتایا کہ بی جے پی کونسلر اپنے متعلقہ وارڈوں میں مقامی سطح پر ترقیاتی کاموں کی معطلی پر عوامی ناراضگی کے پیش نظر اپنے ووٹرز کے دباؤ میں تھے، جس کے بعد میئر اور ڈپٹی میئر نے استعفی دیا۔BJP jammu mayor resign
اس سلسلے میں آج جموں میونسپل کارپوریشن نے میئر اور ڈپٹی مئیر کے انتخابات کے لیے نوٹیفیکشن جاری کیا ۔نوٹیفیکشن کے مطابق میئر اور ڈپٹی مئیر کے نامزدگی فارم 17 اکتوبر 2022 تک سکریٹری جموں میونسپل کارپوریشن میں جمع کرنے ہونگے۔ وہیں جموں میونسپل کارپوریشن نے میئر اور ڈپٹی مئیر کے انتخابات 21 اکتوبر کو منعقد ہونگے۔Jammu Mayor Elections
جموں میونسپل کارپوریشن کے نئے میئر اور ڈپٹی میئر کے لیے بی جے پی نے اپنے چار کونسلروں کو میئر اور ڈپٹی میئر کے عہدے کے لیے امیدوار بنانے کے لیے شارٹ لسٹ کیا ہے۔ ان میں بلدیو بلوریا، پرمود کپاہی، نیرج پوری اور راجندر کمار کے نام شامل ہیں۔Bjp names Jammu mayor
مزید پڑھیں: Two Chowks Renamed in Jammu: جے ایم سی نے 2 چوکوں کے نام تبدیل کرنے والی قرارداد منظور کی
جموں میونسپل کارپوریشن کے منتخب کونسلروں کی پانچ سالہ میعاد اگلے سال 2023 میں پوری ہو رہی ہے۔ ایسے میں نیا میئر اور ڈپٹی میئر جو بھی بنے گا ان کی مدت کار صرف نو سے دس ماہ ہوگی۔بتادیں کہ 2018 میں جموں و کشمیر میںبلدیاتی انتخابات میں جموں میں75 میں سے 43 وارڈں پر بی جے پی نے جیت حاصل کی جس کے بعد بی کے پی کے میئر اور ڈپٹی میئر نے عہدہ سنبھالا تھا۔
