دھماکہ خیز مواد کا وزن 25 کلو بتایا جا رہا ہے۔
سرکاری ذرائع نے بتایا کہ روڈاوپننگ پارٹی (آر پی او) نے جنوبی کشمیر کے اننت ناگ ضلع میں خودونی کے لارم گانجی پورا شاہراہ پر کچھ مشتبہ چیز کو دیکھا جس کے بعد شاہراہ پر دونوں طرف سے آنے والی گاڑیوں کو فوری طورپر روک دیا گیا اور بم ناکارہ بنانے والے دستہ کو مطلع کیا۔ ٹریفک پولیس نے گاڑیوں کو وانپو کی طرف بھیج دیا۔
انہوں نے بتایا کہ دھماکہ خیز موا د کو بغیر کسی نقصان کے ناکارہ کردیا گیا۔ اگر وقت رہتے اس طاقتو ر دھماکہ خیز مواد کو ناکارہ نہیں بنایا جاتا تو ایک بڑا حادثہ ہوسکتا تھا۔ گزشتہ ہفتہ سلامتی دستوں نے پمپور شاہراہ میں پریشر کوکر میں رکھا گیا طاقتور دھماکہ خیز مواد کا پتہ لگاکر اسے ناکارہ کیا تھا۔
ذرائع کے مطابق سرینگر۔جموں قومی شاہراہ پر آج دونوں طر ف سے ہلکی گاڑیوں کے آنے جانے کی اجازت دی گئی ہے۔ بھاری گاڑیوں کو چلنے کی اجازت نہیں دیئے جانے سے شاہراہ کے دونوں طرف بھاری گاڑیاں کھڑی ہیں۔
