پونچھ: جموں و کشمیر کے ضلع پونچھ میں فوج اور پولیس کی فوری اقدامات کرنے کی وجہ سے پرانے مغل روڈ پر دس مسافروں کو ریسکیو کرلیا گیا جو کہ جمعہ اور ہفتہ کی درمیانی رات میں لینڈ سلائیڈنگ کی وجہ سے علاقے میں پھنس گئے تھے۔Army Rescues Stranded Passengers in Poonch
حکام نے بتایا کہ گزشتہ رات تقریباً 11بجے، چٹا پانی کے قریب مغل روڈ پر مٹی کا تودہ گرنے سے سڑک بلاک ہو گئی اور کئی گاڑیاں سڑک پر پھنس گئیں تھیں۔ فوج نے کہا کہ اس رکاوٹ کی اطلاع موصول ہوتے ہی فوج اور پولیس کی ٹیمیں فورا حرکت میں آگئیں اور جائے وقوعہ پر پہنچ گئیں جہاں انھوں نے چھ گاڑیوں کے ساتھ مسافروں کو پھنسے ہوئے پایا۔
یہ بھی پڑھیں: Army Vehicle Accident in Ladakh: لداخ میں خطر ناک سڑک حادثہ، سات فوجی ہلاک، انیس دیگر زخمی
فوج نے کہا کہ صورت حال کا جائزہ لیتے ہوئے، امدادی کارکنوں نے فوری طور پر ملبہ ہٹانا شروع کیا اور دس مسافروں بشمول ایک خاتون اور ایک بچے کو بچا لیا گیا۔
فوج نے مزید کہا کہ مقامی لوگ مشترکہ ریسکیو ٹیم کے بے حد مشکور ہیں جنہوں نے انہیں لینڈ سلائیڈنگ کے مقام سے نکالنے میں بروقت مدد کی۔ دوسری جانب مغل روڈ کو چودہ گھنٹے کے وقفے کے بعد ہفتے کی دوپہر آمد و رفت کے لیے بحال کر دیا گیا ہے۔
