جموں: فوج نے فلیگ فاؤنڈیشن آف انڈیا کے ساتھ مل کر جمعرات یعنی 21 ستمبر 2023 کو جموں و کشمیر میں پونچھ کے شہید ہیروز کے اعزاز میں اجوت وار میموریل پر 70 فٹ اونچا قومی پرچم نصب کیا۔ قومی پرچم کو پونچھ کے لوگوں کے نام بریگیڈیر راجیش بشت، سی ڈی آر 93 انفنٹری بریگیڈ نے نامور سول معززین مسٹر یاسین ایم چودھری، آئی اے ایس ڈی سی پونچھ، مس تزیم اختر، ڈی ڈی سی چیئرپرسن پونچھ، مسٹر ونے کمار شرما، ایس ایس پی پونچھ کی موجودگی میں وقف کیا۔ اس موقع پرم دیگر تعلیمی، روحانی اور انتظامی شخصیات بھی موجود تھیں۔ قومی پرچم پونچھ کے عوام کو 93 انفنٹری بریگیڈ کے کمانڈر بریگیڈیئر راجیش بشت نے وقف کیا۔
یہ بھی پڑھیں:
دفاعی ترجمان نے اپنے بیان میں کہا کہ "اس تقریب میں سی آر پی ایف اور جے کے پی کے ساتھ ساتھ ہندوستانی فوج کے اہلکاروں نے بھی شرکت کی اور پرچم لہرایا گیا جب کہ پونچھ ضلع کے تین مقامی اسکولوں کے طلباء نے سریلی آواز میں قومی ترانہ گایا۔ سابق فوجیوں کی ایک بڑی تعداد نے بھی پروگرام میں شرکت کی۔ ازوٹ میں ایل او سی کے قریب قومی پرچم لہرانا پونچھ کے لوگوں کے لیے بہت اہم ہے کیونکہ یہاں کا ہر باشندہ اپنی شناخت اس بھارت ملک اور ہندوستانی فوج سے قائم کرنا چاہتا ہے۔ یہاں پرچم کا لہرانا اس ضلع کے ہر فرد کو "ایک قوم" کے احساس سے آشنا کرے گا۔ فوج نے فلیگ فاؤنڈیشن آف انڈیا کی تنصیب کے پورے عمل کے دوران مسلسل تعاون کے لیے شکریہ ادا کیا۔ کیونکہ تنصیب کے لیے جگہ واضح طور پر لاجسٹک پہلوؤں سے مشکل تھی۔
