بار ایسوسی ایشن جموں کا غیر معنیہ مدت کے لیے ہڑتال

وکلا جوڈیشل افسران سے رجسڑیشن کے اختیارات لینے کے بعد جموں و کشمیر ہائی کورٹ بار ایسوسی ایشن جموں نے غیر معنیہ مدت کے لیے ہڑتال کی کال دی ہے۔

وکلا کے مطابق وکلا جوڈیشیل افسروں سے رجسڑیشن کے اختیارات لے کر محکمہ مال کے افسروں کو دیا گیا ہے، جس کے پیش نظر ہائی کورٹ بار ایسو سی ایشن جموں نے غیر معینہ مدت کے لیے کام کاج بند کرنے کا فیصلہ کیا ہے۔

بار ایسوسی ایشن نے ایک بیان جاری کرتے ہوئے کہا ہے کہ جب تک اُن کے مطالبات منظور نہیں کیے جاتے اور رجسڑیشن کے اختیارات پھر سے جوڈیشل افسروں کومنتقل نہیں کیے جاتے تب تک وہ کام کاج نہیں کریں گے۔

ایسوسی ایشن نے ہائی کورٹ کو دوسری جگہ منتقلی کرنے کے فیصلے کی بھی مخالفت کی ہے، جس کی وجہ سے مقدمات کو حل کرنے میں تاخیر ہوسکتی ہے۔