سابق قانون ساز بشیر احمد شاہ ویری نے راج بھون میں لیفٹیننٹ گورنر منوج سنہا سے ملاقات کی۔
سابق قانون ساز نے مختلف عوامی مسائل، خصوصا جنوبی کشمیر کے علاقوں سے برف ہٹانے، بلاتعطل پانی اور بجلی کی فراہمی، راشن کی تقسیم، ایل پی جی اور دیگر اشیائے ضروریہ کی تازہ صورتحال سے ایل جی کو آگاہ کیا۔
سابق ایم ایل سی اور بی جے پی کے سینئر رہنما اشوک کھجوریہ نے بھی لیفٹیننٹ گورنر سے ملاقات کی اور انہیں عوامی اہمیت کے مختلف امور سے آگاہ کیا۔
لیفٹیننٹ گورنر نے سابق قانون سازوں کو یقین دلایا کہ ان کی طرف سے پیش کردہ تمام حقیقی امور کو میرٹ کی بنیاد پر متعلقہ حکام کے ساتھ اٹھایا جائے گا۔
لیفٹیننٹ گورنر نے کہا کہ جموں و کشمیر حکومت عوام پر مبنی گورننس کے اصولوں پر کام کر رہی ہے ، جس کا مقصد خطے کی جامع اور مساوی ترقی ہے۔
