عالمی وبا کروونا وائرس کے پھیلاؤ کو روکنے کے لیے ٹیکہ کاری کا عمل جلد ہی شروع ہونے والا ہے، اس سلسلے میں متعدد ریاست میں 'ڈرائی رن' جاری ہے۔ ٹھیک اسی طرح جموں و کشمیر کے تین اضلاع جموں، سرینگر اور کولگام میں بھی ٹیکہ کاری کے لیے مشق کیا جا رہا ہے، تاکہ ٹیکہ کاری کے دوران کسی بھی قسم کی کوئی پریشانی پیش نہ آئے۔
جموں کے ڈسٹرکٹ ہسپتال سروال میں مشق کی شروعات کا افتتاح فائنانشل کمشنر ہیلتھ جموں و کشمیر اٹل ڈلو اور ڈائریکٹر ہیلتھ سروسز جموں ڈاکٹر رینو شرما نے کیا۔ اس موقعے پر محکمہ صحت کے دیگر ملازمین بھی موجود تھے۔
ای ٹی وی بھارت کے ساتھ بات چیت کرتے ہوئے فائنانشل کمشنر ہیلتھ جموں و کشمیر اٹل ڈلو نے کہا کہ 'چار مراحل میں ٹیکہ کاری کے عمل کو مکمل کیا جائے گا'۔
پہلے مرحلے میں طبی عملے کو ٹیکہ لگایا جائے گا، دوسرے مرحلے میں، فرنٹ لائن ورکرز جیسے پولیس، صفائی محکمہ کے ملازمین اور ریونیو محکمہ کے کچھ ملازمین کو ٹیکہ لگایا جائے گا، تیسرے مرحلے میں بزرگوں کو ٹیکہ لگایا جائے گا، ایسے لوگ جن کی عمر 50 برس سے زائد ہے یا جو ذیابطیس سمیت دیگر مرض میں مبتلا ہیں انہیں بھی ٹیکہ لگایا جائے گا اور آخر اور چوتھے مرحلے میں باقی آبادی کو جوڑا جائے گا اس مرحلے میں ٹیکہ کاری کا عمل کو پورا ہوجا ئے گا'۔
اس سلسلے میں آج مشق کیا جا رہا ہے جس کا جائزہ لینا ضروری ہے۔
