جموں: ڈیموکریٹک پروگریسو آزاد پارٹی کے چیئرمین اور سابق وزیر اعلیٰ غلام نبی آزاد نے کہا ہے کہ جب بھی جموں و کشمیر میں انتخابات ہوتے ہیں، اس وقت ان کی پارٹی اسمبلی انتخابات کے لیے پوری طرح تیار ہے۔ انہوں نے پارٹی کارکنوں کے درمیان بہتر تال میل برقرار رکھنے پر زور دیتے ہوئے کہا کہ جموں خطہ آزادی پسندوں کا گھر ہے۔ جموں خطہ میں آزادی پسندوں کی ایک بڑی تعداد نے قوم کے اتحاد اور سالمیت کو برقرار رکھنے کے لیے قربانیاں دی ہیں۔
انہوں نے کہا کہ جموں ملک کے ان چند شہروں میں سے ایک ہے جس نے قوم کی خودمختاری میں اہم کردار ادا کیا ہے۔ انہوں نے کہا کہ پارٹی کا ایجنڈا اور مشن مرکز کے زیر انتظام جموں و کشمیر کے ہر فرد کا فرض ہے اور ان کی پارٹی لوگوں کو سماجی و اقتصادی طور پر بااختیار بنانا اور ان کے سیاسی حقوق کا تحفظ چاہتے ہیں۔
غلام نبی آزاد نے کہا کہ پارٹی کارکنان اپنا ایجنڈا ہر شہری تک پہنچائیں۔ جموں میں پارٹی ہیڈکوارٹر میں ریاسی اور کٹھوعہ کے مختلف وفود سے بات چیت کرتے ہوئے انہوں نے کہا کہ ہمیں اپنی انتخابی تیاریوں کو تیار رکھنا ہوگا۔ جب بھی الیکشن ہوں گے ہم تیار ہیں۔ یہ پیغام بلند آواز سے جانا چاہیے کہ ہم الیکشن کے لیے تیار ہیں، جب بھی انتخابات ہوں گے۔
انہوں نے پارٹی کی رکنیت سازی مہم کو تیز کرنے پر زور دیتے ہوئے کارکنوں سے کہا کہ وہ زیادہ سے زیادہ لوگوں تک پہنچیں اور پارٹی کو مضبوط کریں۔ اس موقع پر پارٹی کے وائس چیئرمین جی ایم سروری، جنرل سکریٹری آر ایس چِب، صوبائی صدر جگل کشور شرما اور دیگر لیڈران موجود تھے۔
انہوں نے کہا کہ جموں و کشمیر انتظامیہ کی سرکاری اراضی کو واپس لینے کی بے دخلی مہم 'غیر قانونی' تھی۔ انہوں نے کہا کہ اگر ان کی پارٹی اگلی اسمبلی میں اقتدار میں آتی ہے تو وہ روشنی اسکیم کو واپس لائیں گے۔
انہوں نے کہا کہ جب انتظامیہ نے گزشتہ برس بے دخلی مہم شروع کی تھی تو اس کے خلاف ان کی پارٹی نے جموں و کشمیر بھر میں 85 سے زیادہ احتجاجی مظاہرے کیے اور جب ان مظاہروں کا کوئی اثر نہیں ہوا، تو میں نے لیفٹیننٹ گورنر اور وزیر داخلہ سے ملاقات کی اور اس معاملے کو وہاں اٹھایا۔
مزید پڑھیں: |
روشنی اسکیم کا دفاع کرتے ہوئے آزاد نے کہا کہ اس کا مقصد دیہات میں بے زمین غریبوں کو فائدہ پہنچانا اور شہروں میں زمین کو ریگولرائز کرنا ہے تاکہ آمدنی حاصل کی جاسکے۔انہوں نے کہا کہ اس اسکیم کو میری حکومر میں جموں و کشمیر اسمبلی نے پاس کیا تھا۔انہوں نے کہا کہ ڈوگرہ حکمران مہراجہ ہری سنگھ نے بھی اپنے دور حکومت میں بے گھر لوگوں کو زمین دی، اس کت بعد نیشنل کانفرنس کے بانی شیخ محمد عبداللہ نے بھی زمین دی جن کے پاس زمین نہیں تھی اور اسی طرح میری حکومت میں بھی زمین واگزار کی گئی۔
