جموں: سونیا گاندھی کی انفورسمنٹ ڈائریکٹوریٹ(ای ڈی) کی طلبی اور مونسون سیشن کے دوران کانگریس کے ارکان پارلیمان کو معطل کرنے کے خلاف کانگریس لیڈروں اور کارکنوں نے منگل کو جموں میں احتجاج درج کیا۔Congress protests
کانگریس رہنماؤں نے اس موقع پر کہا کہ بی جے پی ایجنسیوں کا غلط استعمال کرکے اپوزیشن کی آواز کو دبانے کی کوشش کر رہی ہیں۔جموں میں کانگریس لیڈران اور کارکنوں نے بی جے پی کی پالیسیوں کے خلاف زبردست احتجاجی مظاہرئے کئے۔ اس موقع پر کانگریس کے سینئر لیڈر رمن بھلا نے کہا کہ سونیا گاندھی اور راہول گاندھی کی ای ڈی طلبی کے بعد مانسون سیشن کے دوران کانگریس کے ارکارن پارلیمان کو اس وجہ سے معطل کرنا کہ انہوں نے جی ایس ٹی کا مسئلہ اُٹھایا ناقابل برداشت ہے۔
انہوں نے کہا کہ بی جے پی ملک کے حالات سدھارنے میں ناکام ہوئی ہے اور اب وہ ایسا کرکے لوگوں کی توجہ ہٹانا چاہتی ہے۔ ان کا کہنا تھا کہ بی جے پی نے لوگوں کے ساتھ کئے جانے والے وعدے پورے نہیں کئے جس کے لئے لوگوں میں اس پارٹی کے خلاف غصہ پایا جا رہا ہے۔ لیڈر نے کہا کہ یہ پارٹی نفرت کی سیاست کر رہی ہے جس کے تحت لوگوں کو ایک دوسرے خلاف کھڑا کیا جا رہا ہے۔
احتجاج کے دوران پارٹی کے سینئر لیڈران نے میڈیا کو بتایا کہ سونیا گاندھی گذشتہ آٹھ برسوں سے غریبوں اور کسانوں کی بات اٹھا رہی ہیں اور سرکار کو الرٹ کر رہی ہیں۔انہوں نے کہا کہ بی جے پی اس آواز کو بند کرنے کی سازش کر رہی ہے۔ ان کا کہنا تھا کہ ملک میں جمہوری راج نہیں بلکہ تانا شاہی چل رہی ہے
یہ بھی پڑھیں : National Herald Case: ای ڈی نے سونیا گاندھی سے چھ گھنٹے تک پوچھ گچھ کی، آج پھر ہوں گی پیش
