جموں صوبہ کی سچیت گڑھ بین الاقوامی سرحد پر بی ایس ایف اور پاکستان رینجرز کے درمیان کمانڈنٹ سطح کی میٹنگ منعقد ہوئی۔اس دوران بی ایس ایف کے اعلیٰ افرسران نے بھارت کی جانب سے پاکستان میں مقیم ڈرونز کی جانب سے بین الاقوامی سرحدکی خلاف ورزی پر شدید احتجاج کیا اور پاکستانی کمانڈر کو ایسی سرگرمیوں سے باز رہنے کےلئے بھی کہا گیا ۔اس ملاقات کے دوران دونوں سرحدی محافظ افواج کے کمانڈروں نے سرحدی علاقوں کےساتھ ساتھ دیگر کئی امور پر بھی تفصیلی بات چیت کی۔
اس بات چیت کے دوران سرحد پر امن و امان کی صورتحال کو بر قرار رکھنے کےلئے کام کرنے پر اتفاق کیا۔
پاکستان رینجرز نے بی ایس ایف کے دفاعی تعمیراتی کام پر بھی اعتراض کیا۔ طرفین نے تمام آپریشنل معاملات اور سرحدی مسائل کو باہمی افہام و تفہیم سے حل کرنے پر بھی اتفاق کیا۔
