جموں: جموں کے بھگوتی نگر بیس کیمپ سے یاتریوں کا شری امرناتھ یاترا کے لئے کشمیر روانہ ہونے کا سلسلہ مسلسل جاری ہے۔ سرکاری ذرائع کے مطابق پیر کی صبح بھگوتی نگر بیس کیمپ سے 3 ہزار 8 سو 98 یاتریوں پر مشتمل 22 واں قافلہ کشمیر کے لئے روانہ ہوا۔ انہوں نے کہا ان یاتریوں میں 2 ہزار 8 سو 98 مرد، 8 سو 98 خواتین، 12 بچے اور 90 سادھو شامل تھے۔ ان کا کہنا تھا کہ یہ یاتری 149 چھوٹی بڑی گاڑیوں میں سخت سیکورٹی بندو بست کے بیچ بالتل اور ننون پہگام بیس کیمپوں کے لئے روانہ ہوئے۔ ذرائع کے مطابق بالتل بیس کیمپ کے لئے 1 ہزار 2 سو 92 جبکہ ننون پہلگام بیس کیمپ کے لئے 2 ہزار 6 سو 6 یاتری روانہ ہوئے۔
بتادیں کہ یکم جولائی سے شروع ہونے والی اس یاترا کے لئے اب تک زائد از 3 لاکھ یاتریوں نے پوتر گھپا کا درشن کیا ہے۔ 62 دنوں پر محیط یہ یاترا 31 اگست کو شرون پورنیما کے موقع پر اختتام پذیر ہوگی۔ واضح رہے کہ گزشتہ روز جموں کے بھگوتی نگر بیس کیمپ سے 3 ہزار 6 سو91 یاتری کشمیر کے لئے روانہ ہوئے تھے۔ سرکاری زرائع نے کہا کہ یہ یاتری 141 چھوٹی بڑی گاڑیوں میں سخت سیکورٹی بندوبست کے بیچ ننون پہلگام اور بالتل بیس کیمپوں کے لئے روانہ ہوئے۔ ان کا کہناتھا کہ ننون پہلگام بیس کیمپ کے لئے 90 گاڑیوں میں 2 ہزار 2 سو 3 یاتری روانہ ہوئے جن میں 1764 مرد، 346 خواتین، 4 بچے اور 25 سادھو شامل تھے۔
یہ بھی پڑھیں: Amarnath Yatra 2023 تین ہزار یاتریوں کا 21 واں قافلہ جموں سے روانہ
یو این آئی
