'کشمیر جذباتی طور پر ہمارے ساتھ نہیں'

کانگریس کے رہنما ادھیر رنجن چودھری نے کشمیری وزرائے اعلیٰ پر پی ایس اے ایکٹ نافذ کرنے پر اپنا ردعمل ظاہر کیا۔

انہوں نے کہا کہ 'وزیراعظم نے گذشتہ روز پارلیمنٹ میں عمر عبداللہ اور محبوبہ مفتی کے خلاف کہا اور ان پر پی ایس اے نافذ کر دیا۔'

انہوں نے مودی پر تنقید کرتے ہوئے کہا کہ 'اس طرح کی بیان بازی سے آپ کشمیر پر حکومت نہیں کرسکتے، بیشک ظاہری طور پر کشمیر ہمارے ساتھ ہے لیکن جذباتی طور پر نہیں ہے۔'

واضح رہے کہ گزشتہ روز نیشنل کانفرنس کے نائب صدر و سابق وزیر اعلیٰ عمر عبداللہ اور پی ڈی پی صدر محبوبہ مفتی کے خلاف پی ایس اے لگایا گیا ہے۔

ان کے علاوہ آج سابق وزیر خزانہ، جنرل سکریٹری اور پی ڈی پی کے سینیئر رہنما و محبوبہ مفتی کے مامو زاد بھائی پر بھی پی ایس اے لگایا گیا ہے۔