لداخ کے لیفٹیننٹ گورنر آر کے ماتھر نے آج راج نواس کے احاطے میں سیب کا پودا لگا کر عالمی یوم ماحولیات منایا۔
اس موقع پر لیفٹیننٹ گورنر نے کہا کہ اس دن کو پیپلز ڈے بھی کہا جاتا ہے اور ہم سب کا لداخ کے ماحول کے تحفظ اور فروغ میں اہم کردار ہے۔
انہوں نے ہر لداخی پر زور دیا کہ وہ دیسی پودے اور پھل پیدا کرنے والے درخت لگائیں جو نہ صرف آمدنی میں اضافے کا باعث بنیں گے بلکہ لوگوں کے لئے صحت مند ماحولیاتی نظام کی تعمیر میں بھی مدد کریں گے۔
انہوں نے کہا کہ لداخ زراعت اور قدرتی وسائل کا ذخیرہ ہے اور ان ماحولیات کا بہت خیال رکھنے کے لئے ہر لداخی کی حوصلہ افزائی کی۔
