ای ٹی وی بھارت سے بات کرتے ہوئے ریاست کے مختلف مین سٹریم سیاسی جماعتوں سے منسلک خواتین رہنماؤں نے کہا کہ گورنر کا فیصلہ خواتین کی ترقی کے لیے مناسب قدم ہے۔
انہوں نے کہا کہ اس سے خواتین کو سیاست سے جڑنے اور لوگوں کی نمائندگی کرنے کا حوصلہ ملے گا۔
انہوں نے کہا کہ اس طرح سے ہی اسمبلی میں بھی خواتین کو 33 فیصد ریزرویشن دیا جانا چاہئے۔
واضح رہے کہ گورنر انتظامیہ نے گذشتہ روز ریاست کی خواتین کے لیے بلاک ڈیولپمنٹ کونسل میں 33 فیصد ریزرویشن دینے کا فیصلہ کیا ہے۔
ریاست میں کل 316 بلاک دیولپمنٹ کونسل ہیں جن میں سے کشمیرخطے میں 136، جموں خطے میں 147 اور لداخ خطے میں 31 کونسل ہیں۔
حکومت کے اعدادوشمارکے مطابق 105 کونسل کو خواتین کے لیے مختص کیا گیا ہے جن میں جموں میں 53، کشمیر میں 45 اور لداخ میں 10 کونسل خوانین کیلئے مختص کیے گئے ہیں۔
خواتین کو اسمبلی میں 33 فیصد ریزرویشن دینے کیلئے کئی بار خواتین ارکان نے بل پیش کیا لیکن ان بل کو رد کر دیا گیا۔
