بارہمولہ: غیر مقامی خاتون غربت کا شکار

مستقیم کا کہنا ہے کہ 'ان کے گھر میں کوئی کمانے والا نہیں ہے۔ ان کے چار چھوٹے چھوٹے بچے ہیں اور ان کو اکثر بھوکے پیٹ سونا پڑتا ہے۔'

شمالی کشمیر کے ضلع بارہمولہ کے سوپور قصبہ کے بوہری پورہ گاؤں سے تعلق رکھنے والی مستقیم نامی غیر مقامی خاتون نے انتظامیہ سے مکان کی تعمیر اور بچوں کی تعلیم کے لیے امداد فراہم کرنے کا مطالبہ کیا ہے۔

ای ٹی وی بھارت کے ساتھ بات کرتے ہوئے مستقیم نے کہا کہ وہ گزشتہ 30 برسوں سے وادی کشمیر میں سکونت پذیر ہیں لیکن دو سال قبل ان کے شوہر کی ایک حادثے کے دوران موت ہوگئی جس کی وجہ سے اب ان کو کافی مشکلات کا سامنا کرنا پڑتا ہے۔'

'ان کا کہنا ہے کہ 'ان کے گھر میں کوئی کمانے والا نہیں ہے۔ ان کے چار چھوٹے چھوٹے بچے ہیں اور ان کو اکثر بھوکے پیٹ سونا پڑتا ہے۔

انہوں نے مزید کہا کہ 'انہوں نے بڑی مشکل سے اپنا گھر بنایا اور کسی نے کوئی بھی مدد نہیں کی۔'

ان کا کہنا ہے کہ 'ان مشکل حالات کے دوران ان کے پاس پیسے نہیں ہے جس سے وہ اپنے گھر کی چھت اور کھڑکی لگا سکتی لیکن غریبی کی وجہ سے وہ کچھ بھی نہیں کر سکتی ہے۔'

انہوں نے کہا کہ 'ان کے چار چھوٹے بچے ہیں اور وہ ان کو تعلیم دینا چاہتی ہیں لیکن گزارا نہ ہوئے کی وجہ سے ان کے بچے اسکول بھی نہیں جا سکتے۔'

انہوں نے اب لیفٹیننٹ گورنر انتظامیہ اور ضلع انتظامیہ سے اپیل کی ہے کہ انہیں مدد فراہم کی جائے تاکہ ان کی مشکل دور ہو سکے۔'