ووٹنگ مشین خراب ہونے سے رائے ہندگان کو مشکلات کا سامنا

ریاست جموں کشمیر کے ضلع راجوری میں کانگریس کے سابق وزیر صحت شبیر احمد خان نے الزام عائد کیا کہ ایک سازش کے تحت دیہی علاقوں میں ووٹنگ مشین کو بند کیا گیا اور ان علاقوں میں انتظامیہ کی جانب سے مشین کی مرمت کے لیے ملازمین کو تعینات نہیں کیا گیا تھا۔

راجوری میں پارلیمانی انتخابات کے دوران منجاکوٹ، تھنہ منڈی، ڈونگی کے ساتھ کئی مقامات پر ووٹنگ مشین خراب ہونے کے باعث رائے ہندگان کو مشکلات کا سامنا کرنا پڑا۔

شبیر احمد خان نے کہا کہ دیہی علاقوں میں جہاں مشین کا چار نمبر بٹن خراب پایا گیا، وہیں اس مشین کو درست کرنے کے لیے عملہ بھی تعینات نہیں تھا جو ایک سازش نظر آرہی ہے۔

انہوں نے کہا کہ راجوری پونچھ میں ہی کیوں چار نمبر کا بٹن خراب ہوا جبکہ مشین میں مزید امیدواروں کے نشان تھے۔
انہوں نے کہا کہ اس ضمن میں ضلع انتظامیہ کو فوری اگاہ کیا گیا اس کے باوجود بھی مشین کی مرمت کے لیے عملہ تاخیر سے پہنچا۔