مقامی لوگوں کے مطابق نامعلوم افراد نے منگل کی رات تقریباً نو بجے وٹو دمحال ہانجی پورہ میں قائم اسکول میں آگ لگادی جس کی وجہ سے اسکولی عمارت خاکستر ہوگئی۔ آگ کے فوراً بعد مقامی لوگوں نے فائر اینڈ ایمرجنسی کے اہلکاروں کے ساتھ آگ کو مزید پھیلنے سے روکا۔
اسکول کے ٹیچر نے بتایا کہ اسکول کا سازو سامان بری طرح جل کر راکھ کے ڈھیر میں تباہ ہو ا، اور پھر سروس کے عملے نے آگ پر قابو کیا۔
ایک مقامی شخص محمد امین شیخ نے بتایا کہ عمارت کا ایک حصہ مکمل طور تباہ ہوگیا ہے۔ انہوں نے کہا کہ بجلی کی لائن اس عمارت سے کافی دوری پر ہے جس میں آگ لگی ہے۔
خیال رہے کہ شدت پسند برہان وانی کی ہلاکت کے بعد اس علاقے میں بڑے پیمانے پر تشدد بھڑک اٹھا تھا اور کئی اسکولوں و سرکاری دفاتر نیز پولیس اسٹیشن کو بھی آگ کے حوالے کر دیا گیا تھا۔
واضح رہے کہ سنہ 2006 کے بعد یہ پہلی واردات ہے کہ کسی اسکول کو آگ لگا دی گئی، اس سے قبل نوے کی دہائی میں بھی متعدد اسکولوں کو جلایا گیا تھا۔
