کانگریس پارٹی آج ادھم پور میں ضلع کمشنر دفتر کے باہر نیشنل ہاوے اتھارٹی کے ذریعے بنائے گئے ٹول پلازا کے خلاف تقریبا 3 گھنٹے تک دھرنے دیے ۔
اس دھرنے میں ضلع کے سینیئر کانگریس رہنماؤں نے حصہ لیا۔ کانگریس پارٹی بن ٹول پلازا میں ٹیکس کے اضافے کے خلاف احتجاج کر رہی تھی۔
میڈیا سے بات کرتے ہوئے کانگریس کے سینئر رہنما سمیت ملہوترا نے کہا کہ ٹول پلازا کے ٹیکس میں اضافے کا اثر سیدھے عوام پر پڑے گا۔
انہوں نے الزام عائد کیا کہ کشمیری عوام کی ہر بات سنی جاتی ہے، لیکن جموں کے عوام کو نظر انداز کیا جا رہا ہے۔
انہوں نے کہا کہ حال ہی میں کشمیر کے سنگم میں بننے والے ٹول پلازا میں لوگوں کو چھوٹ دی گئی ہے، لیکن جموں میں ایسا کچھ نہیں کیا جا رہا ہے۔
کانگریسی رہنما نے کہا کہ اگر گورنر انتظامیہ نے بن ٹول پلازا میں اضافہ ہونے والے ٹیکس میں کمی نہیں کی گئی تو اس کے خلاف سخت احتجاج کیا جائے گا۔
