رامبن میں آتشزدگی، دو دکانیں جل کر راکھ

رامبن ضلع میں قومی شاہراہ سے متصل ناچلانہ علاقے میں آتشزدگی کے واقعے میں دو دکانیں جل کر راکھ ہوگئیں۔ اس واقعے میں کسی کے زخمی ہونے کی اطلاع نہیں ہے لیکن بھاری نقصان ہوا ہے۔ Fire Incident At Nachlana In Ramban

رامبن: مرکز کے زیر اہتمام یوٹی جموں و کشمیر کے ضلع رامبن میں قومی شاہراہ سے متصل ناچلانہ علاقے میں آتشزدگی کے واقعے میں دو دکانیں جل کر راکھ ہوگئیں۔ آتشزدگی کے سبب علاقے میں سنسنی پھیل گئی۔ اس واقعے میں کسی کے زخمی ہونے کی اطلاع نہیں ہے لیکن بھاری مالی نقصان ہوا ہے۔ واضح رہے کہ ناچلانہ آرمی کیمپ کے پاس واقع اس مارکیٹ میں اچانک نموادر ہونے والی آگ نے دیکھتے ہی دیکھتے دو دکانوں کو اپنی زد میں لے لیا تاہم فوج کی تئیس آر آر کے جوانوں اور مقامی رضاکاروں نے وقت پر کارروائی کرتے ہوئے آگ کو مزید پھیلنے سے روک دیا۔ اس کی وجہ سے آگ دیگر دکانوں، آس پاس کے مکانات، مدرسے و فوج کے کیمپ تک پہنچ نہیں سکی۔ اس سے مزید نقصان ہونے سے بچ گیا۔

فائر اینڈ ایمرجنسی سروس کے بانہال اور رام ن میں ہونے سے ضلع رام بن کے دور دراز علاقوں میں اکثر آگ کے لگنے سے بڑا نقصان ہوتا ہے۔ اس ضمن میں عوام کافی دنوں سے سب ڈویزن صدر مقام رامسو ،تصیل کھڑی و تصیل اکھڑال مں فائر اینڈ ایمرجنسی سروس کا مطالبہ کر رہے ہیں تاکہ ایسے واقعات میں بروقت کارروائی کر کے ایسے واقعات پر قابو پایا جا سکے جس سے لوگوں کے جان و مال کو بڑا نقصان اٹھانا پڑتا ہے۔