جموں کشمیر کے ضلع اننت ناگ کے ونپوہ اور قاضی گنڈ کے مقام پر برف باری کی وجہ سے درماندہ ڈرائیوروں کا کہنا ہے کہ گزشتہ کئی روز سے مسلسل درماندہ ہونے کے دوران ان کا راشن ختم ہوگیا ہے اور مزید راشن خریدنے کے لئے ان کے پاس پیسے نہیں ہے۔ان کا کہنا ہے کہ وادی میں شدید سردی کی وجہ سے وہ بیمار ہو گئے ہیں جبکہ انتظامیہ کا کوئی اہلکار ان کی مدد کے لئے سامنے نہیں آیا۔
ادھر گزشتہ روز برفانی تودہ گرنے کی وجہ سے جواہر ٹنل کا ایک ٹیوب مکمل طور بند ہوا تھا تاہم واقعہ میں کوئی جانی نقصان نہیں ہوا۔ نیشنل ہائی وے اتھارٹی اور محکمہ آر اینڈ بی نے کافی مشقت کے بعد ٹیوب کو بحال کیا۔
دوسری جانب کئی روز سے قومی شاہراہ بند رہنے کی وجہ سے ہزاروں مال بردار گاڑیاں ٹنل کے دونوں اطراف درماندہ ہیں جس کی وجہ سے ڈرئیوروں کو کافی مشکلات کا سامنا کرنا پر رہا ہیں۔
ڈرائیوروں نے ای ٹی وی بھارت سے بات کرتے ہوئے کہا کہ حکومت کی جانب سے انہیں کسی بھی طرح کی سہولت فراہم نہیں کی جارہی ہے اور ایسی صورتحال کے دوران انہیں قدرت کے سہارے چھوڑ دیا جاتا ہے۔
ان کا یہ بھی کہنا ہے کہ حکومت چار گلیاروں والے قومی شاہراہ پروجیکٹ کو مکمل کرنے میں بھی ناکام ہوچکی ہے جس کا خمیازہ مسافروں، بلخصوص ڈرئیوروں کو بھگتنا پڑتا ہے۔
