پنگلش کے لوگوں نے قویل اور شکارگاہ کے باغات کو آبپاشی سہولیات فراہم نہ کرنے سے تنگ آکر محکمہ اریگیشن کے خلاف ایک خاموش احتجاج کیا ۔ اور اپنی بات انتظامیہ تک پہنچانے کی کوشش کی۔
مقامی لوگوں نے بتایا کہ علاقہ ترال کے لیے سال 1982 میں چھچکوٹ لفٹ اریگشن اسکیم شروع کی گئی تھی۔ جس کے دو مرحلے مکمل کیے گئے ہیں۔ اور تیسرے مرحلے کے تحت کام کرنا باقی ہے ۔
حالانکہ اس اسکیم پر اب تک کروڑوں روپے صرف کیے گئے ہیں۔تاہم ان کے باغات کی آبپاشی تاحال نہیں ہوئی ہے۔ حالانکہ سابق ڈپٹی کمشنر پلوامہ راگھو لنگر نے عوام کو یقین دہانی کرائی تھی کہ مئی کے اواخر تک اس اسکیم کو مکمل کیا جائے گا۔مزید پڑھیں :بارش اور ژالہ باری سے میوہ باغات کو شدید نقصان
پنگلش کی آبادی نے سرکار سے مطالبہ کیا ہے کہ اس اسکیم کو جلد از جلد مکمل کیا جائے تاکہ ان کے باغات بنجر ہونے سے بچ جائیں ۔
