عید سے قبل نرمی کا مطالبہ

سب ضلع ترال میں اگرچہ سرکاری لاک ڈاؤن پر لوگ سختی سے کاربند ہیں۔ تاہم عید الفطر کی آمد سے قبل عوامی حلقوں نے انتظامیہ سے مرحلہ وار طریقوں پر ڈیل دینے کی اپیل کی ہے۔

عوام کا کہنا ہے کہ لاک ڈاؤن کے چلتے ان کے گھر میں گھریلو اسباب کی کمی پیدا ہوئی ہے اور اب عید لفطر سے قبل ضروری خریداری کے لئے دکانوں کا کھل جانا ضروری ہے۔

لوگوں نے کہا ہے کہ از خود سماجی دوری کا خاص خیال کر کے کورونا کے بچاؤ کے لیے احتیاطی تدابیر پر عمل بھی کریں گے ادھر دکانداروں نے بھی نرمی دینے کا مطالبہ کیا ہے تاکہ ان کو روزگار حاصل ہو سکے۔

ایک مقامی دکاندار علی محمد صوفی نے ای ٹی وی بھارت کے ساتھ بات کرتے ہوئے انتظامیہ سے دردمندانہ اپیل کی کہ عید کے موقع پر نرمی دی جائے تاکہ وہ بھی دیگر لوگوں کے ساتھ عید منا سکیں۔