ایک روز ٹریفک کی آمدورفت بند رہنے کے بعد وادی کشمیر کو زمینی راستے سے ملک کے ساتھ جوڑنے والی 270 کلو میٹر لمبی جموں ۔ سرینگر قومی شاہراہ کو دوبارہ بحال کر دیا گیا ہے۔
جموں ۔ سرینگر قومی شاہراہ پر ٹریفک کی نقل و حمل رامبن کے سب ڈویژن رامسو کے گانگرو علاقے میں بھاری چٹانیں کھسکنے اور مٹی کے تودے گرنے کی وجہ سے معطل کر دی گئی تھی۔
شاہراہ پر ٹریفک بند رہنے کی وجہ سے سینکڑوں مسافر اور مال بردار گاڑیاں سڑک پر درماندہ ہوگئی تھی۔
شاہراہ بحالی کے لیے کام کی نگہداشت کر کے تعمیراتی کمپنی نے آج صبح قریب 9 بجے شاہراہِ پر بھاری چٹانیں اور مٹی کے تودے ہٹاکر شاہرہ کو یکطرفہ آمدورفت کے لیے بحال کر دیا ہے۔
ٹریفک پولیس نیشنل ہائی وے رامبن کے مطابق چندرکورٹ میں درماند گاڑیوں کو سرینگر کی جانب روانہ کر دیا گیا ہے۔ درماند گاڑیوں کو وادی کی جانب جانے کی اجازت دی جارہی ہے۔
