'اننت ناگ میں کورونا وائرس کا کوئی مثبت معاملہ نہیں'

ضلع ترقیاتی کمشنر اننت ناگ بشیر احمد ڈار نے لوگوں سے اپیل کرتے ہوئے کہا کہ وہ افواہوں پر توجہ نہ دیں۔

دراصل افواہ پھیل گئی تھی کہ ضلع اننت ناگ میں آج کورونا وائرس سے سات مثبت کیسز سامنے آئے ہیں۔تاہم ضلع ترقیاتی کمشنر نے واضح کر دیا کہ ضلع اننت ناگ میں ابھی تک کورونا وائرس کا کوئی بھی مثبت معاملہ سامنے نہیں آیا ہے۔انہوں نے کہا کہ یہ خبر بالکل بے بنیاد ہے اور جھوٹی افواہ پھیلا کر عوام کو پریشان کیا جا رہا ہے۔ڈی سی نے کہا کہ لوگوں کو گھبرانے کی ضرورت نہیں ہے اور ان سے اپیل کی کہ وہ افواہوں پر دھیان نہ دیں ۔اے سی آر اننت ناگ سید یاسر نے بھی واضح کیا ہے کہ یہ صرف افواہ پھیلائی گئی تھی لہذا لوگ افواہوں پر کان نہ دھریں۔