ضلع ترقیاتی کونسل کے ممبر شاہنواز چودھری کی قیادت میں سورن کوٹ اے اور سورن کوٹ بی کے ضلعی ترقیاتی کمشنر آفس پونچھ کمپلیکس کے ممبران نے مغل روڈ پر ٹریفک کو جلد سے جلد بحال کرنے کا مطالبہ کیا اور متنبہ کیا کہ اگر جلد مغل روڈ پر ٹریفک کو بحال نہ کیا گیا تو اس کے خلاف سخت احتجاج کیا جائے گا۔
شاہراہ کے بند ہوئے دو سال ہوگئے ہیں جس سے علاقے کے لوگوں کو بہت پریشانیوں کا سامنا کرنا پڑ رہا ہے۔ کووڈ کی وبا کی وجہ سے پورے ملک کی قومی شاہراہیں کھلی ہوئی ہیں اور پیر پنجال کے راجوری پونچھ کے عوام کے ساتھ امتیازی سلوک برتا جارہا ہے۔
پونچھ کے لوگ جموں پہنچنے کے لئے 6 سے 8 گھنٹے کا سفر طے کرنے کے بعد بھی جی ایم سی پہنچتے ہیں اس کے باوجود مناسب طبی سہولیات نہیں ملتی ہیں۔ جبکہ مغل روڈ سے صرف تین گھنٹے کا سفر کر کے کشمیر پہنچ جاتے ہیں اور علاج وقت پر ہوتا ہے۔
شاہنواز چودھری نے مزید کہا کہ کووڈ نے جموں میں زبردست تباہی مچا دی ہے اور کشمیر کی صورتحال کچھ حد تک ٹھیک ہے، اگر مغل روڈ کھولا گیا تو پریشان لوگ کم وقت میں اچھی طبی امداد حاصل کرسکتے ہیں۔
اسی وجہ سے ہم بار بار مغل شاہراہ کو کھولنے کا مطالبہ کر رہے ہیں، لیکن انتظامیہ کچھ سن نہیں رہی ہے۔ اگر شاہراہ کو جلد نہیں کھولا گیا جو آئندہ احتجاج کیا جائے گا۔
