فوجی اہلکار کی خود کشی

جموں و کشمیر میں ضلع بانڈی پورہ کے چنٹی ملہ علاقے میں ایک فوجی اہلکار نے آج دوپہر کو خود کو گولی مار کر ہلاک کردیا۔

تفصیلات کے مطابق ضلع کے چودہ آر آر کیمپ میں تعینات پون کمار نامی سپاہی نے خود کو گولی ماری، گولی کی آواز سن کر پورے کیمپ میں افراتفری کا ماحول پیدا ہوگیا۔

حالانکہ کیمپ میں موجود دیگر سپاہیوں نے پون کمار کو فوری اسپتال پہنچایا تاہم ڈاکٹرز نے اسے مردہ قرار دے دیا۔

پولیس کے ترجمان نے اس واقعہ کی تصدیق کرتے ہوئے کہا کہ اس معاملے میں کیس درج کر کے مزید تحقیقات شروع کر دی گئی ہے۔